Një lokal është përfshirë nga zjarri sot gjatë ditës në rrugën “Brigada 123” në Suharekë.
Kështu ka bërë të ditur për teve1.info zëdhënësi i policisë për rajonin e Prizrenit, Vesel Gashi, i cili tha se një person është lënduar në përpjekje për ta shuar zjarrin.
“Me datë 07/01/2025 rreth orës 16:19, përmes 112 policia në Suharekë,ka marr informatë për një incident zjarri, në rrugën “Brigada 123” në Suharekë,në kafenenë “Simple”në Suharekë. Reagimi policor ishte i menjëhershëm, po ashtu janë njoftuar zjarrfikësit të cilët kanë dal në vendin e ngjarjes menjëherë dhe kanë arritur që ta lokalizojnë (shuajnë) zjarrin. Ne vendin e ngjarjes kanë dalë njësitet relevante policore,të cilat i kanë ndërmarr të gjitha veprimet ligjore ne lidhje me ketë rast. Po ashtu është njoftuar Inspektori i punës dhe Eksperti i zjarreve, te cilët kanë dal ne vendin e ngjarjes. Në përpjekje për të shuar zjarrin një person ka pësua lëndime trupore i cili ka marr tretman mjekësor në QMF Suharekë”, ka deklaruar ai.
Tutje, ai tha se lidhur me rastin është njoftuar prokurori i shtetit në konsultim me të njëjtin iniciohet rast “Incident zjarri”.
Njësiti i hetimeve i stacionit policor në Suharekë është duke i zhvilluar hetimet.
