Doli në mbrëmje që ta lexonte një lajm shumë të rëndësishëm.
Gjenerali i NATO-s Mike Jackson, njoftoi se ishte arritur marrëveshja mes NATO-s dhe Republikës Federale të Jugosllavisë, që lufta të përfundonte në Kosovë.
Njëherësh kjo marrëveshje nënkuptonte edhe kapitullimin e Serbisë.
Forcat Serbe filluan të largoheshin nga territori i Kosovës, e në rast se do te rezistonin, do të bartnin pasoja.
“Forcat jugosllave kanë respektuar tërheqjen fillestare, ua kemi bërë të qartë se nëse shkelet marrëveshja e arritur, operacioni ajror ushtarak do të rifillojë”, kishte thwnw Mike Jackson – gjeneral i NATO-s
E këto bisedime mes palëve u zhvilluan në një restorant në fshatin Bllac, që për pronar e ka një shqiptar.
Ramadan Sadikut, i rastisi fati që të ishte prezent në ato takime mes delegacioneve.
Ai tregon për Tëvë1, se në këto takime nuk munguan tensionet.
Kujtimet e asaj dite akoma të freskëta i ka veterani i Ushtrisë Çlirimtare të Kosovës, tani Zëvendësministër i Mbrojtjes, Shemsi Syla.
Ai thotë se në ato momente kur u arrit marrëveshja, ishte në vijat e frontit.
Mes tjerash në marrëveshjen e Kumanovës u vendos që të shpërbëhet Ushtria Çlirimtare e Kosovës, për t’u shndërruar më pas në Trupat Mbrojtëse të Kosovës.
Raporti i gazetarit Shpat Blakçori.