Një shtetas i Maqedonisë së Veriut është arrestuar në Pikën e Kalimit Kufitar në Kullë të Pejës, pasi gjatë kontrollit në veturën që po e drejtonte, Policia e Kosovës ka gjetur substanca të dyshuara narkotike.
Sipas raportit policor, janë sekuestruar 20.4 gramë marihuanë të ndara në qese plastike, 1.5 gramë fara të dyshimta kanabisi, tre grindera, një peshore e vogël elektronike, shtatë qese plastike të zbrazëta dhe një pako me letra rizle.
I dyshuari është intervistuar nga njësitet e Drejtorisë për Hetimin e Trafikimit me Narkotikë (DHTN) në Pejë dhe, me urdhër të prokurorit, është dërguar në mbajtje. Hetimet për rastin janë ende në vazhdim.
