Federata e Peshkatarëve ka bërë të ditur se në zonën e urës në Nashec janë kapur tre persona duke ushtruar peshkim të kundërligjshëm.
Ngjarja ka ndodhur dje, ku sipas kësaj Federate, pas përcjelljes së tyre nga autoritetet për shkak të ndalimit të peshkimit, ata kanë shkelur rregulloret duke përdorur rrjeta krahu.
Pas vërejtjes nga zyrtarët përkatës, personat janë larguar me një lundër me motor në drejtim të Nashecit deri në Lukinjë, duke lëvizur përmes ujit.
Megjithatë është bërë e ditur se pas veprimeve hetimore, Policia e Kosovës ka arritur t’i identifikojë dhe t’i shoqërojë në stacion policor.
Gjatë kontrollit është sekuestruar edhe lundra me motor, ndërsa në barkë janë gjetur edhe tre thika.
Ndaj të dyshuarve është hapur rast për peshkim të kundërligjshëm.
“Pas vërejtjes nga ana jonë, personat janë larguar në drejtim të Nashecit deri në Lukinjë përmes ujit, me një lundër me motor. Pas hetimeve të zhvilluara, Policia e Kosovës ka arritur t’i identifikojë personat dhe t’i shoqërojë në stacion policor së bashku me lundrën me motor”, thuhet në njoftim. /teve1.info/
