Në njoftimin e Doganës është bërë e ditur se është hasur në 482 artikujt të ndryshëm të barnave të kongrabanduara, në vlerë rreth 10 mijë euro.
“Njësitet e Doganës së Kosovës kanë organizuar kontrolla në tri barnatore në qytetin e Prishtinës. Me këtë rast është hasur në 482 artikuj të ndryshëm (482 lloje te Barnave) të kontrabanduar / pa dokumentacion përcjellës, me vlerë rreth 10,000.00 Euro”, thuhet në njoftim.
Sipas Doganës, malli është sekuestruar dhe është proceduar me tutje në procedurë kundërvajtëse.
“Dogana e Kosovës në bashkëpunim me autoritetet kompetente do të vazhdojë të ushtroj kontrolla në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës”, thuhet më tej në njoftimin e Doganës së Kosovës. /tëvë1.info/
