Ka marrë rrugë për t’u zbrazur në deponinë e mbeturinave në Mirash.
Këtë veprim kamionët e “Pastrimit” mund ta bëjnë vetëm deri në orën 24:00.
Kjo pasi drejtuesit e deponisë kanë vendosur që ta mbajnë atë mbyllur deri në ora 07:00 të mëngjesit.
Sipas tyre, shkak është bërë borxhi i kompanisë “Pastrimi”.
“KMDK konsideron të domosdoshme që obligimet e mbetura financiare të adresohen sa më parë, me qëllim të sigurimit të vazhdimësisë së bashkëpunimit dhe ofrimit të pandërprerë të shërbimeve. Në rast se këto obligime nuk përmbushen, KMDK mund të detyrohet të shqyrtojë masa në përputhje me kushtet kontraktuale, përfshirë edhe kufizimin e qasjes së K.R.M. “Pastrimi” në deponinë e Mirashit”, thuhet në njoftimin e KMDK-së.
Mbylljen e deponisë gjatë natës, nuk e ka mirëpritur komuna e Prishtinës.
Madje, sipas nënkryetares së kryeqytetit, Besianë Musmurati, kaosi me mbeturinat në Prishtinë, është shkaktuar si pasojë e mbylljes së deponisë.
“Mbyllja e deponisë për 7 orë rresht ka pasoja të pariparueshme në menaxhimin e ciklit të grumbullimit të mbeturinave. Për 7 orë me radhë kamionët e kompanisë së pastrimit, të cilët grumbullojnë mbeturina gjatë gjithë natës, nuk mund të zbrazin kamionët askund. Kjo shkakton vonesa të mëdha dhe ndikon drejtpërdrejt në defunksionalizimin e ndërrimit të natës”, u shpreh Musmurati.
Fajin për situatën e krijuar, nënkryetarja Musmurati e hedh tek niveli qendror.
“Tash e dy vite, Prishtina mbahet peng për shkak të inateve të një partie politike. Krejt kjo situatë tregon që kemi investim të qëllimshëm të nivelit qendror dhe qeverisë së Kosovës për të sabotuar pastrimin e Prishtinës. Duke parë këto zhvillime, ne jemi të detyruar ta themelojmë ndërmarrjen e re lokale të pastrimit për Prishtinë, sepse nuk mund të rrimë duarkryq përballë këtij presioni të jashtëzakonshëm”, ka thënëq tutje Musmurati.
Drejtori i Shërbimeve Publike në Prishtinë, Leutrim Retkoceri, kërkoi nga Ministria e Mjedisit që të ndërhyj në zgjidhjen e situatës së krijuar.
“Qytetarët e Prishtinës nuk duhet ta paguajnë çmimin e përplasjeve politike. Sonte, në ora 12, kërkojmë që dyert e deponisë në Mirash të hapen për t’u larguar mbeturinat në kryeqytet. Në të kundërtën, veprimet tona nuk do të jenë më të njëjta”, tha Retkoceri.
Ndërkaq sa i përket ndërmarrjes së re të pastrimit, zyrtarët bënë të ditur se ajo ka kaluar votimin në Kuvendin Komunal të Prishtinës dhe aktualisht është në procedurë të shqyrtimit të ligjshmërisë nga Ministria e Administrimit të Pushtetit Lokal.
Por se çfarë do të ndodh me punëtorë t aktual të “ PASTRIMIT”?
“Do të kujdesim që asnjë punëtorë të mos mbetet pa punë sepse për neve kjo është një anomali e nivelit qendror, pra që qëllimisht po punon që të mos e fuqizojë një kompani rajonale. KRM” PASTRIMI” ka ekzistuar tash e dhjetar vite në Prishtinë është fatkeqësi e madhe që jemi në këtë situatë”, ka përfunduar Musmurati.
Kompania e re e “Pastrimi- Prishtina”, do të jetë në pronësi 100% të komunës së Prishtinës.
