Harry Kane ka sot rastin për të siguruar titullin e parë kampion në karrierë. Në fakt, do të ishte titulli i 34-t kampion për Bayern Munchen në histori, por i pari për bomberin anglez, i “malkuar” në këtë drejtim deri tani.
Bavarezët ndodhen +8 pikë përpara Bayer Leverkusenit, me vetëm 4 javë të mbetura. Skuadra e Kompani do të përballet me Mainzin, ndërsa ajo e Xabi Alonsos me Augsburg.
Në rast fitoreje të titullit, ky do të ishte trofeu i parë në karrierë për Kanen, duke i dhënë fund njëherë e mirë etiketës së bezdisshme të “humbësit”, që e ka shoqëruar gjatë gjithë karrierës.
“Do të ishte fantastike! Ndoshta do t’i ndalonte disa nga ata që flasin për faktin se nuk kam fituar ende një titull, – tha vetë sulmuesi anglez në një intervistë për “Absolut Fußball”.
