Aktivistja për të drejtat e njeriut në Serbi, Natasha Kandiq, ka kërkuar nga Ministria serbe e Punëve të Brendshme që t’i lirojë tre policët kosovarë të kidnapuar të mërkurën në Leposaviq nga forcat serbe.
Kandiqi ka thënë se lirimi i tyre duhet të bëhet duke besuar se nuk e kanë ditur që e kanë kaluar kufirin si shenjë kujtimi për fatin e vëllezërve Bytyqi.
“MPB-ja t’i kthejë policët kosovarë në Kosovë, me besimin se nuk e dinin që e kishin kaluar kufirin dhe në shenjë kujtimi të fatit të vëllezërve Bytyqi, të cilët kaluan kufirin duke ndihmuar romët për të kaluar në Serbi dhe kurrë më nuk u panë të gjallë”, ka shkruar Kandiq në Twitter.
