Kanali i Ibër-Lepencit është dëmtuar sërish nga persona të panjohur, por megjithatë rrjedha e ujit vazhdon normalisht.
Policia e Kosovës ka bërë të ditur se dëmtimi i kanalit ka ndodhur mes datave 22 dhe 25 mars, kur individë të paidentifikuar kanë përdorur mjete të forta për të shkaktuar dëmtime në këtë infrastrukturë.
Megjithë këtë incident, autoritetet bëjnë me dije se rrjedha e ujit në kanalin e Ibër-Lepencit, në pjesën e Zubin Potokut, vazhdon të funksionojë normalisht dhe nuk ka ndërprerje të furnizimit.
Rasti është raportuar fillimisht në raportin 24-orësh të Policisë së Kosovës, ndërkohë që hetimet për identifikimin e personave përgjegjës janë në vazhdim.
