Kanadaja ka fituar medaljen e bronztë në Kampionatin Botëror të basketbollit.
Të dielën në Manila të Filipineve, Kanadaja e mposhti SHBA-në në ndeshje për vend të tretë. Ndeshja ishte shumë dramatike dhe përfundoi vetëm pas vazhdimit prej pesë minutave. Kanadezët fituan me rezultat 127:118.
Vazhdimin, Kanadaja e fitoi me rezultat 16:7. Dillon Brooks shkëlqeu te Kanadaja me 39 pikë, pesë asistime e katër kërcime. Mikal Bridges u dallua te SHBA-ja me 19 pikë, nëntë kërcime e katër asistime.
