Një faqe e re, e hidhur, u shkrua sonte në historinë e basketbollit spanjoll. Për herë të parë që nga pjesëmarrjet e tyre në Kampionatin Evropian, Spanja është eliminuar që në fazën e grupeve të EuroBasket.
Në ndeshjen vendimtare të Grupit C, “La Roja” u mposht nga Greqia me rezultat 86-90, duke mbyllur kështu një kapitull të pasur me suksese, medalje dhe dominim në skenën evropiane. Humbja kundër grekëve e vulosi fatin e tyre, duke e bërë të pamundur kalimin në fazën e dytë.
Nga ky grup, përpara kaluan Italia, Greqia, Bosnje & Hercegovina dhe Gjeorgjia, të cilat siguruan biletat për raundin tjetër, duke lënë jashtë një nga superfuqitë tradicionale të basketbollit evropian.
Eliminimi i hershëm i Spanjës shihet si një prej befasive më të mëdha të këtij edicioni të EuroBasket, duke i dhënë turneut një ngjyrë të papritur dhe duke hapur diskutime për fundin e një epoke të artë për kombëtaren spanjolle.
