Pen është një organizatë joqeveritare e cila operon në Kosovë që nga vitit 2004, këtë herë organizata ka filluar kampanjën “Dhuro rroba, ndihmo nënat dhe fëmijët në nevojë”.
Qëllimi i këtij projekti përveç aspektit human është edhe vetëdijësimi i publikut në lidhje me mbrojtjen e ambientit nga ndotja prej industrisë së prodhimit të rrobave.
“Është shumë me rëndësi pse një person i cili blen shumë rroba dhe ka pasion modën, ato rroba të cilat nuk i përdor atëherë mundet me i dhuru donacion në organizatën Amc (Action for mother and children) e cila ato rroba i merr dhe i shet, pastaj me mbledhjen e atyre parave ndihmohen nënat dhe fëmijët në blerjen e produkteve medicinale” u shpreh ajo.
Të gjitha këto donacjone që i pranon organizata këtë herë do të dërgohen në dyqanin “Tesha-Vesha” me qëllim që të ndihmohen nënat dhe fëmijët në nevojë. /teve1.info/
