Të shtunën në mëngjes, kalimi kufitar Rafah u hap për një dritare të shkurtër për të lejuar 20 kamionë ndihma të kalojnë në Rripin e Gazës nga Egjipti.
Ndërsa shumë e kanë mirëpritur rihapjen e shkurtër, grupet e të drejtave theksojnë se nevojitet më shumë ndihmë brenda enklavës së rrethuar, raporton CNN.
Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, ishte një nga ata që paralajmëroi të shtunën se “nevojat janë shumë më të larta”.
Tedros në një postim në mediat sociale tha se “për të përmbushur nevojat urgjente shëndetësore të të gjithë njerëzve në Gaza”, OBSh po bënte thirrje për kalim të sigurt të autokolonave shtesë të ndihmës nëpër enklavë, mbrojtje të të gjithë punonjësve humanitar dhe një akses të qëndrueshëm për ndihmë shëndetësore.
Sipas OBSh-së, furnizimet përfshijnë “ilaçe dhe furnizime traumatike për 1200 persona dhe çanta trauma portative për stabilizimin në vend të deri në 235 personave të lënduar”.
“Ato përfshijnë gjithashtu ilaçe dhe trajtime për sëmundjet kronike për 1500 njerëz dhe ilaçe themelore thelbësore dhe furnizime shëndetësore për 300,000 njerëz për tre muaj”, tha OBSh.
Organizata tha se po punonte me shoqatat e Gjysmëhënës së Kuqe të Egjiptit dhe Palestinës për të siguruar kalimin e sigurt të furnizimeve dhe dërgimin e tyre në spitale dhe objekte shëndetësore, duke shtuar se spitalet brenda Gazës tashmë kanë arritur “pikën e thyer” për shkak të mungesave.
