Presidenti i Senatit të Kamboxhias, Hun Sen të martën u zotua se do të ashpërsojë luftën ndaj Tajlandës, derisa dita e dytë e luftimeve mes fqinjëve aziatikë juglindor detyrojë zhvendosjen e mijëra njerëzve nga zonat kufitare.
Luftimet shpërthyen pas një përleshjeje të dielën gjatë së cilës 2 ushtarë tajlandezë u plagosën, duke dëmtuar një armëpushim që ishte vendosur në korrik.
Luftimes 5-ditore të atëhershmë lanë dhjetëra të vrarë në të dy anët, dhe shkaktuar zhvendosjen e më shumë se 100,000 civilëve.
Në një shenjë se asnjëra palë nuk ishte e gatshme të tërhiqej, kryeministri tajlandez Anutin Charnvirakul tha të martën se Kamboxhia nuk e kishte kontaktuar ende Tajlandën në lidhje me negociatat e mundshme dhe se luftimet do të vazhdonin, citon AP.
“Duhet të bëjmë atë që duhet të bëjmë”, tha ai. “Qeveria do të mbështesë të gjitha llojet e operacioneve ushtarake siç është planifikuar më parë”.
Ai tha të hënën se veprimi ushtarak ishte i nevojshëm për të mbrojtur sovranitetin e vendit dhe për të siguruar sigurinë publike.
Në një deklaratë të postuar në Facebook dhe Telegram, Hun Sen pretendoi se vendi i tij ishte përmbajtur nga hakmarrja të hënën, por gjatë natës filloi të kundërpërgjigjej me armë ndaj forcave tajlandeze.
