Ish-deputeti shqiptar në Kuvendin e Serbisë, i cili edhe njëherë synon këtë post, Shaip Kamberi ka thënë se Serbia pas 3 prillit nuk do të jetë më demokratike dhe aq më pak evropiane.
Përmes një postimi në Facebook, Kamberi thotë se si kandidat i Koalicionit të Shqiptarëve të Luginës, do të jetë afër përfaqësuesve të tyre jo vetëm në seancat e parlamentit, por edhe në aktualitetin e jetës së përditshme. /teve1.info/
Postimi i plotë:
Serbia e pas 3 prillit nuk do të jetë më demokratike dhe aq më pak evropiane.
Ajo do t’i thellojë pabarazitë dhe padrejtësitë. Politike, kombëtare dhe ekonomike.
Prandaj duhen deputete dhe deputet të duhur nga Lugina e Preshevës.
Këtë e kuptojnë më së miri qytetarët.
Këtë e kishte kuptuar Bilaçi dhe Samolica.
Mbrëmë, me Salihun, Rexhijen, Ahmetin, Adnanin, Shpëtimin etj., dëgjuam pikëpamjet dhe nevojat e tyre.
Si kandidatë të sotëm të Koalicionit të Shqiptarëve të Luginës do të jemi nesër përfaqësues të tyre jo vetëm në seancat e parlamentit, por edhe në aktualitetin e jetës së përditshme.
Vazhdojmë bashkë.
Voto 16 ✅
