Deputeti shqiptar në Kuvendin e Serbisë, Shqip Kamberi, ka reaguar ndaj telefonatës së djeshme që Sekretari Amerikan, Antony Blinken, i ka bërë kreut të shtetit serb, Aleksaner VuciQ.
Kamberi tha se Sekretari Blinken tha qartë “tërhiqni ushtrinë nga kufiri i Kosovës” dhe sipas tij Vuçiq duhet të vendosë.
Sipas tij, nëse dështohet me përfilljen e kërkesës së SHBA-së, mund të rivendoset Zona e Sigurisë Tokësore që mundësohet sipas Marrëveshjes së Kumanovës.
“Sekretari Blinken tha qartë “tërhiqni ushtrinë nga kufiri i Kosovës”. Vuçiq duhet të vendosë. Mosrespektimi mund të rezultojë në rivendosjen e Zonës së Sigurisë Tokësore. Marrëveshja e Kumanovës e mundëson këtë”, ka shkruar në X.
Secretary Blinken clearly said “withdraw the army from the Kosovo border”. Vucic must decide.
Failure to comply may result in reinstatement of the Ground safety Zone. The Kumanovo Agreement enables this.— Shaip Kamberi (@shkamberi) September 30, 2023
Vuçiç, tha të premten në Beograd se ka zhvilluar një bisedë telefonike me sekretarin amerikan të Shtetit, Antony Blinken, nga i cili është paralajmëruar për masa ndëshkuese ndaj Serbisë “nëse nuk sillet siç duhet”.
Presidenti serb u tha gazetarëve në Beograd se gjatë bisedës që e përshkroi si “jo të lehtë”, të dy janë pajtuar se është i nevojshëm “shtensionimi dhe shtimi i rolit të KFOR-it” që sipas tij mbështetet nga Serbia.
Ai tha se i ka mohuar zërat se Serbia ka vënë ushtrinë në gjendje gatishmërie.
Presidenti serb tha se me sekretarin Blinken nuk është pajtuar për natyrën e ngjarjeve në Kosovë dhe posaçërisht me “sovranitetin e Kosovës”. Ai tha se sekretari amerikan foli edhe për “masat e mundshme ndaj Serbisë, nëse nuk sillemi në mënyrën e duhur”.
“Ju jeni një vend i madh, një superfuqi, u takon juve të bëni atë që mendoni se duhet. Unë jam plotësisht kundër kësaj dhe mendoj se është shumë keq, por ka gjëra që duhet t’u përmbahemi, dhe kjo është para së gjithash e vërteta”, tha ai, por pa dhënë më shumë hollësi.
Rreshteri i policisë së Kosovës u vra të dielën në fshatin Banjskë në veri të vendit në një sulm të një grupi të armatosur serb të drejtuar nga Milan Radoiçiq, nënkryetar i deritashmë i Listës Serbe, partisë më të madhe të serbëve të Kosovës të mbështetur nga Beogradi.