“Reciprociteti është formula më e mirë e cila do to ndihmonte shqiptarët për të ndërtuar një mirëqenie atje, një reciprocitet në kuadër të cilit Republika e Kosovës e ka ballin hapur edhe politikisht edhe moralisht, me insistua për faktin se ajo është një garancë e një shteti që me Kushtetutë i garanton komuniteteve në territorin e vet e veçanërisht komunitetit serb mirëqenie me ato të drejta të cilat janë garancione kushtetuese”, ka thënë Kamberi.
Shaip Kamberi në emisionin “Këndi i Debatiti” sonte në Tëvë1 ka folur edhe për ligjin për përdorimin e simboleve kombëtare duke thënë që Serbia mbetet i vetmi shtet në rajon i cili nuk e respekton atë.
“Ne po flasim për disa të drejta të cilat në Serbi ekzistojnë me ligje por, për shkak të mungesës së vullnetit politik Serbia nuk i respekton, po flasim për një kategori ligjesh tjera të cilat në bazë janë diskriminuese shembull siç është ligji për përdorimin e simboleve kombëtare, në bazë është diskriminues dhe Serbia mbetet i vetmi shtet në Ballkanin Perëndimor, Mali i Zi e ka rregulluar këtë çështje, Maqedonia po, në Kosovë Serbët lirshëm e përdorin simbolin shtetëror,me jemi e vetmja pakicë atje e cila nuk mund ta përdor simbolin Kombëtar për faktin që ata insistojnë, ju vendosni në shenjë atje që të dallojë prej simbolit shtetëror të Shqipërisë dhe njerëzit, politikanët dhe drejtuesit e partive politike dhe Kryetari i Këshillit Kombëtar dënohen për këtë pra jemi duke folur për një shtet i cili nga normat elementare civilizuese nuk po i respekton dhe në këtë dialog me Kosovën mendoj që reciprociteti dhe insistimi në respektimin e reciprocitetit mund të jetë parimi i vetëm që mund të krijojë hapësirë për ne”, ka shtuar më tej Kamberi në Tëvë1.
