Kamberi tregoi se pjesë e diskutimit të tyre, ishte edhe situata e krijuar në veriun e Kosovës.
“Takimi me ambasadorin u zhvillua pas tensioneve në veri. Ne biseduam edhe për ndikimet e mundshme që kjo situatë e krijuar në veriun e Kosovës mund të ketë në Luginë të Preshevës, duke potencuar se shqiptarët e Luginës janë peng të një politike të cilën Serbia po e zbaton ndaj Kosovës. Kështu duke e mos njohur Kosovën, institucionet e saj, në kuadër të politikës së tyre, po mbahen peng edhe shqiptarët e Luginës së Preshevës”, tha Kamberi në emisionin “Ditari”.
Gjithashtu, Kamberi bëri të ditur se ambasadori amerikan ka shprehur brengosje lidhur me rrjedhën e përgjithshme të kësaj situatë.
“Faktikisht ai shprehu brengosjen për rrjedhën e përgjithshme të situatës. Megjithatë, ambasadori ishte pozitiv në raport me shtirjen e zbatimit të masave edhe për 1 muaj, duke i dhënë kështu hapësirë dialogut, e që në kuadër të një dialogu duhet të gjendjet zgjidhje për këtë çështje të ndjeshme”, tha tutje Kamberi.