Deputetja e Aleancës për Ardhmërinë e Kosovës, Time Kadrijaj pas dështimit të 40-të të seancës konstituive për kryetar të Kuvendit ka deklaruar se mazhoranca po e interpretojnë aktgjykimin e Gjykatës Kushtetuese sipas vullnetit të tyre.
Kadrijaj tha se në këtë çështje “ndoshta duhet të ndërhyjë më tutje presidentja e Kosovës, Vjosa Osmani”.
“Nuk do të përfundojë fare me këtë qasje që e ka zotëri Albin Kurti, ne e kemi pasur një takim konsultativ që është bërë sa për sy e faqe. Kemi qëndruar në një sallë për dy orë, ne si parti opozitare i kemi ofruar alternativat për zhbllokim të situatës duke ofruar votat pa asgjë. Vetëm të zhbllokohet kjo situatë… Pas aktgjykimit të Gjykatës Kushtetuese po e shohim që këta nuk kanë reflektuar. Po e interpretojnë aktgjykimin sipas vullnetit të tyre… Zotri Kurti nuk po reflekton, nuk e di se çfarë po mendon. Zotri Kurti paradite është deputet, pasdite është kryeministër, marrin vendime që në fakt janë antiligjore. A do të vazhdojmë të procedojmë më tutje në Gjykatën Kushtetuese do të mbettë. Ndoshta duhet të ndërhyjë edhe presidentja. Ndoshta deputetët dhe partitë ish opozitare duhet ta procedojnë më tutje në Gjykatë Kushtetuese”, tha Kadrijaj./teve1.info/
