Deputetja e AAK-së, Time Kadrijaj ka kritikuar thirrjen e seancës për presidentin, ku sipas njoftimi është “Diskutim lidhur me zgjedhjen e Presidentit të Republikës së Kosovës”, thuhet në njoftimin e Kuvendit”.
Ajo ka thënë se kjo është një shpikje e LVV-së, pasi sipas saj asnjëherë nuk është mbajtur një seancë e tillë.
“Asnjëherë s’ka ndodh me u thirr një seancë me diskutua për presidentin. Si është e mundur të thirret nj seancë në orën 17:00 dhe të diskutohet për presidentin. Jo, kryetare, nuk diskutohet në parlament për presidentin, sillen emrat të cilët ju jeni dakorduar dhe aty votohet. Por që të diskutohet e keni shpikur një praktikë të re, këtë po e zbulon LVV”, ka thënë ajo gjatë seancës së Kuvendit.
Në reagim e saj, kryetarja e Kuvendit Albulena Haxhiu ka thënë se Kuvendi është vendi ku duhet të diskutohet duke shprehur besimin se deri në orën 17:00 do të ketë emra të propozuar për presidentin.
Nuk e di ku duhet me diskutua për presidentin në qofte se jo në Kuvendin e Kosovës, në këtë drejtim është e rëndësishme që të jeni të pranishëm në seancën e orës 17:00 duke shprehur që të kemi emra deri atëherë./teve1.info/
