Deputetja e Aleancës për Ardhmërinë e Kosovës, Time Kadrijaj, ka kërkuar sqarime nga Qeveria lidhur me zhvillimet në rastin e Astrit Deharit.
Kadrijaj ka kritikuar mungesën e progresit në këtë çështje dhe e lidhi atë me qëndrimet e mëparshme të Lëvizjes Vetëvendosje, e cila, sipas saj, e kishte trajtuar rastin si një nga kauzat kryesore politike.
“Edhe një çështje që u harrua shumë shpejt, e për të cilën keni luftuar shumë dhe keni pasur kauzë të madhe ju në LVV, çka po ndodh me rastin e Astrit Deharit? Deri ku kanë shkuar zhvillimet e atij rasti, që me vite të tëra e keni pasur kauzë?”, ka deklaruar Kadrijaj.
