I ftuar në emisionin “Info Nata” në tëvë1 ai tha se shkak për këtë është se politikat ekonomike të vendit janë nën hijen e zhvillimeve politike diplomatike.
“Po gjithsesi për që jemi në gjendje të vështirë e këtë status quo, padyshim se po. Për fat jo të mirë ende politikat ekonomike pra janë nën hijen e zhvillimeve politike diplomatike në nivel të Kosovës. Uroj që pjesa e status quos nga ana politike të mbetet që Kosova tani e tutje të mirret me pjesën e politikave ekonomike që deri më tani Kosova nuk ka mundur ta ketë komoditetin të mirret me politika të mirëfillta ekonomike”, tha ai.
Kështu u shpreh ai teksa komentoi deklaratat e shefit të Fondit Monetar Ndërkombëtar i cili tha se zhvillimi ekonomik në Kosovë është ngadalësuar.
Tutje, ai foli edhe për projektbuxhetin e vitit 2023 ku tha se nuk i është dhënë fokus investimeve kapitale, teksa tregoi arsyet për këtë.
“Ndoshta me backgroundin e qeverisë që kanë ardhë me politika majtiste ndoshta duan ta realizojnë veten politikisht por duhet ta kenë të qartë se Kosova është e fokusuar në ekonominë e tregut. E kam përmendur se nëse ja kanë qëllu me këtë lloj qeverisje dhe politikave të bërit ekonomi përderisa gjithë rajoni punon sipas ideve kapitaliste nuk mundesh si Kosovë të ndikon as në mënyrë ekonomike, as diplomatike sepse dihet fuqia jonë në nivel rajonal”, shtoi ai./teve1.info/
