Sipas tij, dikush po përpiqet ta zhvasë qytetarin, teksa Qeveria e Ministria përkatëse deri dje bëri ‘një gjumë të rehatshëm’
“Këtu në Kosovë, për çudi, një litër, amo një litër vaj misri ishte më i lirë se ky vaji i manipuluar me çmimm prej 2,49, ndërsa kemi disa lloje të vajit të ullirit me të njëjtin çmim ose të ngjashëm siç ishte ky që ishte dje e pardje e deri mbrëmë me një çmim prej 2,80 deri më 3.50/60. Dhe kjo ishte dëshmi e mjaftueshme se dikush po manipulon me tregun. Se dikush po përpiqet me zhvat qytetarin, konsumatorët, ndërsa Qeveria, Ministria e Tregtisë, Industrisë, Agjensionet, mekanizmat e Inspeksionet bënë një gjumë të rehatshëm duke dëshmuar se ata akoma neve nuk na njofin dhe kjo është dhimbje më e madhe se loja me çmime”, tha Kaçaniku.
Në një lidhje direkte në emisionin “Herët” në Tëvë1, Kaçaniku e cilësoi reagimin e mbrëmshëm të Qeverisë si “show medial” dhe veprim populist.
“Edhe Autoriteti i Konkurrencës e ka thënë se mbi çmimin prej 1,49 që ka qenë ky furnizues, askush nuk ka pasur të drejtë të ia shtojë edhe 2 euro ta bëj 3,49. Këtu është pa se dikush po luan në treg, po luan me ligje, po luan me qytetarë, dhe se e meriton që dikush të ja tërheq veshin. Qeveria, po reagoi, dhe është mirë që e shijuam ngrohtësinë e Qeverisë, njëherë e pamë se Qeveria po na mbron bashkë me Ministrinë dhe Inspeksionin, ama Qeveria duhet t’i prenevojë këto e jo të dëshmojë si një mjeshtër klasik i cili ndreq prishje, por Qeveria duhet t’i parandalojë prishjet. Ishte një prishje e keqe, një show medial, një veprim populist, sepse Qeveria dhe MINT-i në kuadër të së cilës ndodhen rezervat e shtetit, ka qenë dashur të reagojnë para se të ndodh kjo që ndodhi”, u shpreh Kaçaniku.
Kaçaniku shtoi se nëse tregtia në Kosovë do vazhdojnë të zhavasin, atëherë sipas tij, Qeveria e ka mundësinë të fus në treg dhe furnitorë të tjerë të cilët do ta stabilizojnë tregun.
Ai shtoi se mendon se çmimet e tanishme do të ulen në raport me çmimet e ngritura.
“Unë mendoj se do të ulen me këto çmimet e rritura, me këto tentim zhvatjet, por në raport me këto çmimet e ngritura nga ndikimi global, nuk mendoj se do të ketë kthim mbrapa, të paktën për sivjet jo, por të paktën për vitin e ardhshëm të shohim”, shtoi ai. /Teve1.info/
https://teve1.info/lajmet/kacaniku-tregon-se-a-do-te-rriten-serish-cmimet-e-produkteve-ushqimore/