Zyra e Kryeministrit së bashku me kabinetet politike të ministrive, dje dhe sot kanë zhvilluar punëtori të përbashkët për planifikim strategjik dhe operacional.
Zyra e Kryeministrit ka bërë të ditur se sesionet me kabinetet politike të ministrive ishin të ndara sipas shtyllave bazë të Planit Kombëtar të Zhvillimit.
“U prezantuan rezultatet, të arriturat dhe sfidat gjatë vitit të kaluar, si dhe planet për vitin 2024 për zbatim efektiv të objektivave të Qeverisë së Republikës së Kosovës për qeverisje të mirë, siguri dhe sundim të ligjit, zhvillim të barabartë dhe ekonomi të fortë dhe të qëndrueshme”, thuhet në njoftim.
Tutje, është bërë e ditur se Kurti i ka ftuar anëtarët e kabinetit qeveritar për më shumë angazhim në vitin 2024 në realizim e zotimeve të programit qeverisës./teve1.info/
