Lajm të kobshëm ka përjetuar mbrëmjen e së premtës, komuniteti i sportit në Kosovë, por edhe në tërë shqiptarinë.
Të premten mbrëma ka vdekur Milaim Krasniqi, gazetar shumëvjeçar i sportit. Krasniqi ishte prej emrave më të njohur të gazetarisë sportive në Kosovë. Ai për dekada ka punuar në Radio Kosova, ndërsa në periudhën e fundit është përballur me një sëmundje të rëndë, të cilës nuk i ka mbijetuar.
Krasniqi ka drejtuar emisione të ndryshme në radio, ndërsa zëri i tij ishte i njohur për adhuruesit e sportit në vend. Krasniqi ka vdekur në moshën 53-vjeçare.
