Politologu Avdi Smajlaj vlerëson se pozita e shqiptarëve në Maqedoninë e Veriut është përkeqësuar në vitet e fundit.
“Ka një përkeqësim të situatës së shqiptarëve në Maqedoninë e Veriut. Ndoshta një gjë e tillë ndodhi për shkak të ardhjes të së djathtës në pushtet. Partitë shqiptare që morën pushtet nuk i bënë ballë nacionalizimit të madh maqedonas”, ka thënë Avdi Smajlaj në emisionin “Këndi i Debatit” në Tëvë1.
Sipas tij, marrëveshje e Ohrit nuk po implementohet.
“Implementimi i marrëveshjes së Ohrit nuk ka bërë progres. Në vlerësimin tim ka bërë hapa prapa. Të drejtat e shqiptarëve nuk po respektohen”, theksoi Smajlaj.
