I ftuar në emisionin “Live From Tirana” me Ronaldo Sharkën, Jozefin Marku, ish-banori i edicionit të katërt të Big Brother VIP Albania, ka ndarë për herë të parë disa detaje të reja rreth projekteve të tij muzikore, jetës personale dhe, natyrisht, marrëdhënies së shumëpërfolur me Loredanën.
Historia e tyre dashurore, e cila nisi dhe u diskutua gjatë qëndrimit të Jozit në shtëpinë e BBVA, vijon të mbetet në vëmendjen e publikut edhe pas përfundimit të spektaklit. Por duket se marrëdhënia mes tyre nuk është më si më parë.
Në një intervistë të drejtpërdrejtë dhe pa filtra, Jozi reagoi për herë të parë ndaj zërave që përflasin për një lidhje të mundshme mes Loredanës dhe Don Xhonit, pas disa komenteve të tyre të ndërsjella në rrjetet sociale.
“Thjesht ka marrë një rrugë jo të mirë, mendoj unë”, – tha Jozi duke iu referuar Loredanës. “Po shoqërohet me njerëz të padëshirueshëm, bën gjeste aspak të hijshme”.
