Në Kazermën “Adem Jashari” në Prishtinë ka nisur ceremonia e diplomimit të kadetëve të Forcës së Sigurisë së Kosovës të gjeneratës 2025.
Në këtë ngjarje të rëndësishme marrin pjesë udhëheqës të lartë shtetërorë, oficerë dhe nënoficerë të Ministrisë së Mbrojtjes dhe Forcës së Sigurisë së Kosovës, si dhe mysafirë dhe familjarë të kadetëve.
Ceremonia shënon përfundimin e fazës së trajnimit dhe përgatitjen e kadetëve për detyrat në shërbim të sigurisë dhe mbrojtjes së vendit.
