Pasi nuk arriti marrëveshje me Paris Saint-Germainin për Randal Kolo Muanin, skuadra e Juventusit ka siguruar një sulmues tjetër.
Bëhet fjalë për belgun, Lois Openda, i cili gjatë ditës së sotme do ti nënshtrohet kontrollimeve mjekësore në Torino, përpara se të prezantohet te Juventusi.
Openda i bashkohet Juventusit nga Leipzigu, pasi skuadrat tashmë kanë arritur marrëveshjen për një lëvizje të tillë.
25-vjeçari do të huazohet për një vit tek Juventusi me formulën e blerjes së detyrueshme për 40 milionë euro, nëse plotësohen disa kushte.
Openda prej vitit 2023 është pjesë e Leipzigut, ekip që sezonin e shkuar ka realizuar 9 gola në 24 paraqitje në Bundesligë.
