Skuadra e Juventusit ka pësuar humbjen e dytë rresht në Serie A të Italisë.
Pas debaklit javën e shkuar në shtëpi nga Atalanta (4:0), Juventusi të dielën mbrëma pësoi në udhëtim nga Fiorentina me rezultatin 3:0.
Robin Gosens (15’) dhe Rolando Mandragora (18’) shënuan golat në pjesën e parë për Fiorentinën, e cila shkoi në pushim me shifrat 2:0.
Në pjesën e dytë, Albert Gudmunsson (53’) vulosi rezultatin e ndeshjes pas asistimit të Nicolo Fagiolit, i cili asistoi edhe në golin e dytë të Fiorentinës.
Pas 29 ndeshjeve të luajtura, Juventusi mbetet në kuotën e 52 pikëve dhe renditet i gjashti në tabelë, ndërsa Fiorentina është e teta me 48 pikë të mbledhura.
Pas humbjes së dytë rresht, tek Juventusi pritet të ketë ndryshime në shtabin teknik pasi është paralajmëruar shkarkimi i trajnerit Thiago Motta.
