Skuadra e Juventusit po i bën presion Lillet për transferimin e Edon Zhegrovës, futbollist që po e sheh si zëvendësim adekuat për Nico Gonzalezin.
Mediumet italiane raportojnë, se Juventusi e Lille janë vazhdimisht në kontakte, të cilat do të bëhen intensive të mërkurën dhe të enjten.
Në fakt, Juventusi do t’ia prezantojë Lillet ofertën zyrtare për Zhegrovën, duke ofruar 20 milionë euro, aq sa francezët po kërkojnë minimalisht për kartonin e yllit të Kosovës.
Juventusi po shpreson që deri të premten ta mbyll marrëveshjen me Lillen dhe ta prezantojë Zhegrovën, me të cilin veçse ka marrëvesjhje personale.
Zhegrova është pajtuar me kontratë deri në vitin 2030 dhe pagë vjetore prej 2.5 milionë eurosh tek Juventusi, ndërsa po pret vetëm dritën jeshile nga Lille për të realizuar transferimin në Torino.
