Skuadra e Juventusit pritet të ketë mungesa të mëdha për ndeshjen e radhës në Serie A kundër Pisas.
Mbrojtësi Daniele Rugani nuk do të jetë i disponueshëm pas lëndimit që e pësoi në fitoren kundër Romës 2:1, të shtunën mbrëma.
Rugani u inkuadrua në pjesën e dytë duke zëvendësuar Bremerin, por një lëndim muskulor ka bërë që ai të mungojë për gjashtë javët e ardhshme.
Për dallim prej Ruganit, te Juventusi për duelin ndaj Pisas mbeten në dyshim edhe Francisco Conceicao e Weston McKennie.
Conceicao u zëvendësua në pjesën e dytë kundër Romës, ndeshje ku shënoi gol kurse McKennie luajti gjatë tërë ndeshjes.
Të dy lojtarët do ti nënshtrohen kontrollimeve shtesë dhe mbetet të shihet nëse do të jenë në gjendje të luajnë javën e ardhshme kundër Pisas, në ndeshjen e fundit të këtij viti.
