Sulmuesi i krahut, Federico Chiesa mund të largohet nga Juventusi gjatë kësaj vere, kanë njoftuar të martën mediumet italiane.
Bëhet e ditur se drejtuesit e Juventusit kanë vendosur të dëgjojnë të gjitha ofertat për Chiesan, i cili më nuk është i paprekshëm.
Në fakt, Juventusi po kërkon të paktën 40 milionë euro për kartonin e Chiesas, që ka kontratë me skuadrën italiane deri në vitin e ardhshëm.
Chiesa 26-vjeçar këtë edicion ka pasur telashe me lëndimet dhe deri më tani ka shënuar 6 gola dhe ka bërë 2 asistime në 21 ndeshje në Serie A.
Ai është pjesë e Juventusit prej vitit 2020 kur iu bashkua nga Fiorentina, ndërsa ka kohë që po monitorohet nga skuadra e Liverpoolit.
