Skuadra e Juventusit po interesohet për mesfushorin Mikel Merino, i cili është pjesë e Real Sociedadit kanë njoftuar mediumet italiane të mërkurën.
Bëhet e ditur se drejtori i Juventusit, Cristiano Giuntoli tashmë e ka përcjell nga afër Merinon dhe po përgatit ofertën për transferimin e tij këtë verë.
Merino ka kontratë me Sociedadin deri në vitin 2025, ndërsa Juventusi është gati të ofrojë deri në 30 milionë euro për kartonin e tij.
27-vjeçari është pjesë e Sociedadit prej vitit 2018, ndërsa karrierë ka bërë edhe te Newcastle Unitedi, Borussia Dortmundi e Osasuna. Këtë edicion, Merino ka 6 gola e 5 asistime në të gjitha garat për ekipin spanjoll.
