Sulmuesi i krahut, Edon Zhegrova, nuk u aktivizua as në ndeshjen që Juventusi e fitoi ndaj Udineses me rezultatin 3:1 të mërkurën mbrëma.
Ai qëndroi në stol në ndeshjen e xhiros së nëntë të Serie A.
Kjo është ndeshja e pestë rresht në të gjitha garat që Zhegrova nuk aktivizohet tek Juventusi.
Zhegrova është kthyer nga lëndimi, por nuk po e fiton rastin të paraqitet për Juventusin.
26-vjeçari iu bashkua gjatë verës Juventusit nga Lille, ndërsa ka luajtur vetëm 33 minuta në Serie A dhe tre minuta në Ligën e Kampionëve.
