Deri më sot, rrjeti “DAZN” e ka shitur sinjalin e transmetimit të ndeshjes në 200 shtete të ndryshme, të cilat do të afrojnë një audiencë që shkon nga 500 deri në 1 miliard sportdashës.
Të gjitha kontinentet, me përjashtim vetëm të Antarktidës, pavarësisht ndryshimit të orarit, do të jenë të lidhura për të ndjekur këtë supersfidë, e cila që tani vlen një fetë të mirë të titullit kampion, më saktë do të bëjë më të kthjellët horizontin e këtij sezoni të Serisë A.
Në të njëjtën kohë në stadium do të jenë të montuara 29 telekamera, fotografë do të jenë mbi 50 nga agjenci të ndryshme, por edhe 70 brodkaste do të bëjnë transmetimin e tyre në internet.
