Konsulenti politik, Xhevdet Pozhari ka reaguar në lidhje me vëmendjen që ka marrë intervista e mbrëmshme e kryeministrit në detyrë, Albin Kurti në televizionin Tëvë1, e realizuar nga autori i “Këndit të Debatit”, Ardi Visoka.
Pozhari ka vlerësuar lart profesionalizmin e ekipit të Tëvë1, duke thënë se kjo është arsyeja pse ai është bërë edhe pjesë e tij.
“Sot thuajse krejt kolegët qenkan marrë me Ardi Visokën, gazetarin i cili e intervistoi mbrëmë Albin Kurtin. Personalisht, profesionalizmi i ekipës së Tëvë1 më ka bindur që të bëhem me shumë kënaqësi pjesë e tij”, ka shkruar Pozhari në një postim në Facebook.
Ai thekson se puna në Tëvë1 nuk bazohet në sensacione, por në punë dhe përkushtim, ndërkohë paralajmëroi se shikuesit do të shohin edhe shumë përmbajtje ekskluzive në emisionin “Këndi i debatit”, ku ai tashmë është i përfshirë.
Pozhari nënvizon se përmbajtja që sjell Tëvë1 mbështetet në argumente dhe standard profesional, jo në ofendime apo spektakël për klikime.
“Keni me pa edhe shumë gjëra ekskluzive në emisionin “Këndi i debatit”. Intervista e mbrëmshme ishte veç njëra ndër to!
Aty ka shumë njerëz që punojnë pandërprerë për ta sjellë para shikuesve përmbajtjen më të kompletuar. Jo me sensacione, por me punë dhe përkushtim. Aty ky zë i jepet argumenteve, e jo ofendimeve.
Vazhdoni të na ndiqni!
P.s
Për pak harrova! Adriatik flladitu pak se po plasë në këtë të nxehtë”, ka shkruar ai tutje./teve1.info/
