Qytetarët pritet të mblidhen sërish sonte në sheshin “Skënderbeu” në Prishtinë, duke shënuar natën e 11-të radhazi të protestave me moton “Jo në emrin tim”.
Protesta nis nga ora 21:00 dhe organizohet në shenjë kundërshtimi ndaj aktgjykimit dënues të Gjykatës Speciale në Hagë ndaj ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.
Organizata e Veteranëve të Luftës së UÇK-së dje organizoi protesta në të gjitha qytetet e Kosovës, me pjesëmarrës që shprehën kundërshtimin e tyre ndaj aktgjykimit.
Edhe sonte, qytetarët pritet të mblidhen në sheshin “Skënderbeu” për të shprehur qëndrimin e tyre lidhur me vendimin e Gjykatës Speciale./teve1.info/
