Gjatë javës që lamë pas, Policia në Mitrovicën e Jugut, ka bërë të ditur se janë konfiskuar 12 armë zjarri, janë arrestuar 15 persona për vepra të ndryshme penale dhe janë shqiptuar 1,390 gjoba.
Policia ka bërë të ditur se aktivitetet e shtuara operative dhe parandaluese, kanë për qëllim ruajtjen e e rendit dhe sigurisë publike.
“Policia në Mitrovicë të Jugut ka vazhduar me aktivitete të shtuara operative dhe parandaluese, me qëllim të ruajtjes së rendit dhe sigurisë publike, parandalimit të veprave penale dhe rritjes së sigurisë për qytetarët. Gjatë javës që lamë pas në kuadër të angazhimeve policore, janë konfiskuar 12 armë zjarri, janë shqiptuar 1,390 gjoba, si dhe janë shqiptuar 9 masa mbrojtëse – ndalim i drejtimit të mjetit me veprim motorik, për kundërvajtje të ndryshme në trafik. Ndërkohë, janë arrestuar 15 persona të dyshuar për vepra të ndryshme penale”, thuhet në njoftimin e policisë.
