Java nis me mot të vranët dhe me intervale me diel.
Instiuti Hidrometeorologjik i Kosovës ka bërë të ditur se gjatë ditës së sotme vranësirat kohë pas kohe parashihen të shoqërohen me reshje shiu.
Ndërsa, temperaturat do të jenë pozitive në të dy vlerat ekstreme.
Ditën e martë, pritet të ketë mot të vranët dhe vende-vende me reshje të dobëta shiu, ku gjatë ditës pritet të ketë intervale me diell.
Ndërkohë, temperaturat do të shënojnë rritje të lehta në vlerat maksimale, kryesisht në mesditë.
“E mërkurë- Mot me vranësira të shpërndara dhe me diell.Temperaturat do mbesin konstante me të ditës së marte. E enjte- Mot kryesisht stabil, me pak vranësira dhe intervale me diell. Kjo ditë parashihet të jetë dita më e nxehtë e javës,për shkak të prezence së masave të ajrit me origjinë nga jugperendimi. E premte-Mot kryesisht i vranët dhe me kushte për reshje.Temperaturat do të shënojnë ulje të lehta në vlerat e maksimaleve”, thuhet në njoftimin e IHK-së.
Ndërkaq, vikendi parashihet i vranët dhe me reshje shiu, ku gjatë kësaj periudhe kohore pritet të ketë erëra të lehta deri mesatare nga drejtimi i veriperëndimit dhe jugperëndimit, ndërsa presioni atmosferik do të shënoj vlera të rritura mbi normalen. /teve1.info/
