“Nëse jo tani kur” është motoja me të cilën stafi mjekësor po i priste për kontrolla mjekësore personat e moshuar me diabet.
Qendra kulturore sociale për të moshuarit në kryeqytet, ishte vendi ku ata po I kryenin këto kontrolla mjekësore.
Ramiz Krasniqi pensionist, i cili ka probleme me diabet tashmë e sa vite po pret në rend për kontrollë.
“Unë e kom sheqerin po hy po kontrollohna dhe te shoh se a është më lartë apo më poshtë”, thotë Krasniqi.
Tutje, Hana Berisha këtë e cilëson si gjest të mirë.
“Mirë shumë kjo është një përkrahje e mirë për neve”, deklaroi ajo.
Vizita më të shpeshta të tilla po kërkojnë pensionistë të tjerë.
Derisa theksojnë se qendra kulturore sociale për të moshuarit në kryeqytet është një vend i duhur për ta.
“Mirë po ndihemi por me ardhë më shpesh kontrolla me bo në këtë kafe të pensionerëve, tjeter spo dim se ku me shku vetëm këtu po rrim dhe po luajmë me shok, kjo kafe shumë e mirë e qetë nuk ka pas probleme kurrë”, thotë Shaban Kadrolli, pensionist.
“Është e shkëlqyeshme kjo me kontrollu, por kishte me qenë mirë kjo vazhdimisht me kon qdo 3-4 muaj ose 5-6 muaj e jo në mënyrë fushate”, theksoi pensionisti Ali Bajroku.
“Faleminderit prej tyre kanë ardhe dhe po na kontrollojnë po na e masin gjakun po e dim ku jemi, shumë mirë e kemi këtu një pushimore me shok luajmë shah”, deklaroi pensionisti tjetër, Shaban Sahiti.
Rreth 8 për qind e popullatës së Kosovës vuajnë nga sëmundja kronike e diabetit, ndërsa lloji më i përhapur i kësaj sëmundje është TIP-2. Me qëllim të ofrimit të medikamente më të përshtatshme për trajtim të diabetit tani po punohet edhe në zgjerimin e listës esenciale të barnave për këtë sëmundje.
Kronika e realizuar nga gazetarja Lendrina Kodrolli.
