Jashari tha se nuk e ka për obligim publikimin e këtij raporti sepse, sipas tij, secili anëtar është i njoftuar për të hyrat në SBASHK.
“Fondet që i kemi ne janë të zbardhura nga anëtarësia dhe ne marrim kuotën vetëm nga anëtarësia. Secili anëtar i SBASHK-ut e di sa ka të hyra në SBASHK-u”, ka thënë ai.
Kurse sa i përket transparencës së buxhetit në media, ai në emisionin “Këndi i Debatit” tha se nuk e ka obligim një gjë të tillë.
“Nesër le të vijnë mediat dhe unë ia ofroj gjithë dokumentacionin, por unë nuk e kam për obligim me e publiku dhe nuk dua ta publikoj. Paret janë të anëtarësisë, e anëtarësia e di me cent ku është dhe sa i përket transparencës atë e mbajmë në anëtarësi”, tha tutje ai.
Kryetari i SBASHK-ut, theksoi se anëtarësia me 2 prill e ka bërë të ditur se i beson atij dhe kjo sipas tij është dëshmuar me votën unanime.
Rrahmaj Jashari është rizgjedhur kryetar i Sindikatës së Bashkuar të Arsimit me 121 vota dhe ky është mandati i tretë i Jasharit në krye të SBASHK-ut. /teve1.info./
