I pranishëm në ceremoninë e 25-vjetorit të Epopesë së UÇK-së ishte edhe vëllai i komandantit Adem Jashari, Rifat Jashari, i cili tha se është kënaqësi me qenë para ushtrisë që është pritur “dem baba dem”.
“Sot UÇK-ja na u bashkua për 25-vjetorin e Epopesë së lavdishme, është një kënaqësi me qenë para kësaj ushtrie që e kemi pritur dem baba dem”, tha ai gjatë fjalimit përballë FSK-së.
Jashari është lutur që të arrihen qëllimet shekullore për hir të luftës, gjakut dhe sakrificës.
“Ua urojë 25-vjetorin, u uroj shëndet e punë të mbare e ishalla Zoti na ndihmon, të arrijmë qëllimet tona shekullore për hir të luftës, gjakut të bijve e bijave tona, të dëgjojmë një gjuhë të përbashkët dhe të arrijmë qëllimet tona në maksimum si të gjitha shtetet që ekzistojnë në botë.
Tutje, ai tha “lavdi të gjithë të rënëve”.
