Mesfushori Ardon Jashari pritet të jetë pjesë e Club Brugget edhe pas përfundimit të sezonit aktual.
Klubi belg është i vendosur ta mbajë Jasharin edhe për sezonin 2025/26 përkundër interesimit dhe ofertave që ka marrë nga skuadrat tjera të mëdha të Evropës.
Jashari ka shkëlqyer këtë sezon te Brugge dhe vlerësohet ndër lojtarët kryesor të ekipit dhe për këtë arsye po insistojnë ta mbajnë të paktën edhe për një vit.
22-vjeçari tashmë ka tërhequr vëmendjen e Paris Saint-Germainit, Juventusit, Romës, Manchester Unitedit, Bayer Leverkusenit kurse kartoni i tij vlerësohet mbi 30 milionë euro.
Ai verën e shkuar u transferua te Brugge nga Luzerni për 6 milionë euro dhe me ekipin belg ka kontratë deri në vitin 2029.
Në të gjitha garat këtë sezon me fanellën e Brugget, Jashari ka shënuar 4 gola dhe ka bërë 6 asistime.
