Avokati, Arbër Jashari ka thënë se kryeministri i Kosovës, Albin Kurti gjatë fushatës zgjedhore ka përdorur shprehje si metaforë, ironi, sarkazma si dhe tone të humorit.
I ftuar në emisionin “Ditari” në tëvë1, Jashari thotë se Kurti është në skaje të diskursit të tij, ku fushatën e ka filluar që të bëjë show, me qasjen dhe fjalorin e tij.
Sipas avokatit, deklarata e kryeministrit ndaj Prokurorisë është mesazh jo i mirë, ngase sipas tij Prokuroria nuk është një institucion i thjeshtë.
“Kryeministri është në saje të diskursit të tij që e ka përdorur gjatë gjithë kësaj kohë në fushatë zgjedhore në parim kjo mund të tingëllojë shumë rëndë, ai gjatë kësaj fushate ka shprehur shume shprehje si metafora, ironi, sarkazma si dhe shpesh me tone të humorit. Është vështirë me kuptua kur e ka seriozisht e kur është duke e ekzagjeruar. Në këtë formë që e ka thënë prapë nuk është një mesazh i mirë, Prokuroria nuk është një individ, nuk është një institucion thjesht një departament, por Prokuroria është një institucion kushtetues. Kryeministri në këtë fushatë thjesht ka filluar që të bëjë thjesht shoë, me qasjen e tij, fjalorin dhe diskursin e tij. Kryeministri e ka dëshmuar edhe në vepra sepse nuk i ka shkuar Prokurorisë asnjëherë”, ka deklaruar Jashari./teve1.info/
