Mesfushori Ardon Jashari, përfundimisht pritet që karrierën ta vazhdoj në Serie A të Italisë, dhe atë te skuadra e Milanit.
Mediumi italian “La Gazzetta dello Sport” ia ka kushtuar ballinën Ardon Jasharit, përkatësisht shkrimit se ai është një hap larg transferimit te Milani.
Siç raporton gazeta e madhe italiane, Jashari ka kërkuar nga Club Brugge, të mos e përfshijë në skuadër për ndeshjen miqësore ndaj Rangersit në Skoci.
Po ashtu, mësohet se Jashari nuk do t’i bashkohet Brugget as në Londër, ku skuadra do t’i zhvillojë pesë ditë stërvitje.
Milani ka rritur së fundi ofertën për Jasharin në 35 milionë euro.
