Jashari përmes një postimi në Facebook, ka thënë se Bujupi ka lënë një mungesë të madhe.
“Komandanti i Forcës së Sigurisë së Kosovës gjenerallejtënant Bashkim Jashari shpreh ngushëllimet më të sinqerta familjes, shoqërisë dhe të gjithë oficer e nënoficer të FSK-së, për humbjen e një kuadri profesionist, të përgatitur dhe edukuar ,duke lënë një mungesë të madhe në rrethin tonë”, ka shkruar Jashari.
Jashari thotë se Bujupi ka dhënë një kontribut të çmuar në fushën e kulturës dhe imazhit të FSK-së.
“Bledar Bujupi ishte pjesë e Komponentës Rezervë të Forcës së Sigurisë së Kosovës, ka shërbyer Kornist në Orkestrën Frymore të FSK-së, që nga themelimi në vitin 2010, i ndjeri ka dhënë një kontribut të çmuar në fushën e kulturës dhe imazhit të FSK-së po edhe të vendit tonë me paraqitjet e tij në fushën e muzikës si brenda dhe jashtë vendit”, tha ai.
