Komandanti i Forcës së Sigurisë së Kosovës, Gjenerallejtënant Bashkim Jashari, ka pritur në takim delegacionin Britanez të udhëhequr nga Ambasadori Britanez në Kosovë, Jonathan Hargreaves.
Jashari e njoftoi Ambasadorin Britanez z. Hargreaves për të arriturat e FSK-së, aktivitetet, operacionet dhe planifikimet për të ardhmen. Pastaj, Gjeneral Jashari falenderoi Ambasadorin për mbështetjen nga Britania e Madhe për ngritjen e kapaciteteve të FSK-së në të gjitha fazat e zhvillimit të saj.
“Diskutimi u përqendrua tek situata aktuale e sigurisë në vendin tonë, rajon dhe më gjerë. Poashtu palët u pajtuan për bashkëpunim profesional në fushën e arsimit, edukimit dhe zhvillimit professional të liderëve dhe njësive të ndryshme të FSK-së në ngritjen e profesionalizmit dhe kapaciteteve operacionale”, thuhet në njoftim.
Në fund të takimit Ambasadori Britanez falenderoi Gjeneral Jasharin për lidershipin e treguar në udhëheqjen e proceseve të ndryshme në zhvillimin e FSK-së. Në fund palët u zotuan për ngirjen e bashkëpunimit të ndërsjellë në adresimin e sfidave të përbashkëta të sigurisë
