Në një konferencë për media, Jasharaj theksoi se Qeveria në vend se të dialogojë, po “shëtit nga një komunë në tjetrën”.
“Jemi në rrugë te drejtë, kërkesat tona janë legjitime. Uroj që Qeveria Kurti ta ndërrojë qëndrimin edhe ndaj grevës dhe nëse vërtet i do shkollat me nxënës, nëse vërtet i do komunat dhe institucionet e larta me qytetarët duke kryer kërkesat e tyre, atëherë le të ulet me ne, le të fillojë së realizuari kërkesat tona”, tha ai.
Tutje, ai shtoi se deklaratat e ministres së Arsimit, Arbërie Nagavci, se dyert janë të hapura për SBASHK-un, janë sa për të krijuar një porosi të gabuar.
Sipas tij, Nagavci tani nuk ka kohë për t’u takuar me ta, pasi po shkon “nëpër vizita e shëtitje”.
Në të këtë konferencë morën pjesë edhe kryetari i Sindikatës së Pavarur të Arsimit të Shqipërisë (SPASh), Nevrus Kaptelli, si dhe nënkryetari i Sindikatës së Arsimit të Maqedonisë Veriore (SONK), Tafa Ameti.
Kaptelli potencoi se në Kosovë ndodhen për të mbështetur SBASHK-un në kërkesat e tyre legjitime.
“Jemi këtu për të mbeshturur vëllezërit tanë për kërkesat që i ka Sindikata e Arsimit. Nuk ka zgjidhje tjetër përveç uljes në tavolinën e bisedimeve”, tha ai. /Teve1.info/
