Japonia është bërë vendi i parë që ka siguruar biletën për në Kampionatin Botëror të vitit 2026.
Të enjten, Japonia mposhti 2:0 Bahrejnin për ta siguruar biletën për në Botërorin që do të mbahet vitin tjetër në SHBA, Meksikë dhe Kanada.
Daichi Kamada (66’) e Takefusa Kubo (87’), shënuan golat për triumfin e Japonisë.
Në 7 ndeshje të kualifikimeve të Azisë, Japonia ka shënuar 6 fitore e 1 barazim dhe renditet e para në tabelë e 19 pikë të mbledhura.
Kjo do të jetë hera e tetë që japonezët do të luajnë në ngjarjen madhore të futbollit.
